Fasnacht in der Feldegg
Am schmutzige Dunschtig, 3. März 2011, händ sich im Saal vo dä Feldegg en huufe Butze i gfunde. Vo dä Herzdame über dä General, em Clown und dä Muschelmeerfrau händ sich kunterbunt alli bi Tanz, Witz und Fasnachtsgebäck vergnüegt.
Mer danked allne Bewohnerinne, Bewohner, Aghörige und Mitarbeiter för de wundervolli Nomitag!
Am 15. April 2011 isch's losgange Richtig Aewil. Das isch en Weiler oberhalb Ganterschwil. Im Panoramarestaurant Berghof hets zu unterhaltsamer Akkordeonmusig feine Schlorziflade oder Öpfelchueche geh. Wer Lust gha het, isch no uf Tanzflächi gange und het es Tänzli gwoget.
Nochemene Blick is Chäschessi vom eigene Betrieb, sind wieder Alli zfriede heikehrt.